الرئيسية » قصص نجاح » قصة نجاح عبدالله عقيلي في إنقاص 100 كيلوا – ما شاء الله
قصة نجاح عبدالله عقيلي في إنقاص 100 كيلوا – ما شاء الله

قصة نجاح عبدالله عقيلي في إنقاص 100 كيلوا – ما شاء الله

هذه قصة المبدع والمكافح عبدالله عقيلي @Aqili_Aqili طبعاً انا قرأتها واندهشت من قوة إرادته وعزيمته ما شاء الله وكيف كانت بدايته صعبة ولكن بعد توفيق الله ثم مثابرته نجح والحمد لله :

كنت سمين من طفولتي و كان وزني٩٠ و عمري ٦ سنوات بعد حادث الحريق الي كان اصلا سبب السمنه من قله الحركه كنت صغير و كانو يقولوا لي انحف عشان تسوي عمليه تجميل ما دريوا اني كنت اكل عشان اسمن عشان ما اسوي العمليه

سمنت و سمنت و سمنت لحد ما صارت سمنتي رفيقه دربي و تسليتي بوحدتي عمري ما فكرت انحف و كانت حكمتي طول ما انه ممكن الاقي مقاسي بالاسواق ( العالميه او الخياطين ) ما يحتاج انحف كان مقاس بنطلوني ٧٢ …. اتحداك لو سمعت بذا الرقم قبل كذا كل شي عادي جدا جدا جدا اكل طول الوقت

لحد ما جا اليوم الي غير حياتي كان فيه ثلاث مواقف :

  • الموقف الاول
    واحد زنجي قالي يا زنجي يا سمين انحف تراك بتموت انا حسبته شحات واعطيته فلوس زعل ونافخ وانقلع
    .
  • الموقف الثاني
    رجل سمين رجله مقطوعه يحاول اخذ لحم من ثلاجة اللحم ما قدر يوصل للرف لان بطنه والعربيه موقفين بطريقه
    .
  • الموقف الثالث
    وحده و صاحبها بمطعم جنب الجامعه اشر علي وضحكوا وقالها تخيلي هذا الكبير الحجم صاحبك..!

رحت قلت لزملائي بنحف منهم من ضحك و منهم من طنش بس جونثن فيارد ابتسم و قالي تقدر و سالني ايش حلك لانقاص الوزن جون قالي يلا نبدا برنامج ال ال كول جي والي هو عباره عن ٢٢ اسبوع من التمرين و الدايت لتغير الحياه بدينا البرنامج و تقاطينا بالكتاب  انا و جون يعني يوم عندي و يوم عنده لدرجه اننا حفضنا كل شي فيه اول مره دخلت انا النادي كان جون الكل يسلم عليه و بعدها يعطوني نظره سلامات يا الشخص الكبير الحجم وش تبي جاي هنا

جانا نيل و سلم علينا و كانت الكارثه يوم جون قال عقيلي يله دورك تقيس وزنك و مشيت للميزان و صار المكان صااااااامت مشيت للميزان و يوم طلعت ع الميزان فر الميزان و ما طلع الوزن و كنت مصدوم  و الا اشوف وجه نيل يضحك ضحك وقحه جدا اتوقع ضحكت نيل الوقحه كانت الفاصل بين الجد و اللعب و كرهت نيل و كنت ما ابي اتمرن بس جون اصر ع التمرين كرهت نيل لان سبب وجوده بالحياه الضحك على وزني و سمنتي لكن له الشكر اننا لقينا ميزان مستشفي الجامعه يقيس لحد ٢٥٠ كغ رحت المستشفي مع نيل و جون و قست وزني و طلع وزني ٣٩٥ باوند يعني ١٨٥ كغ

و كانت اكبر صدمه بعام ٢٠٠٩ وزني بعد الشهر الاول تخيلو نزل وزني ٢٠ كغ بشهر بس لسه ما اقدر اقيس بميزان النادي و صار هدفي الوحيد اقيس وزني بميزان النادي واقهر نيل و من بعد ما قست وزني و انا خايف قالتلي الدكتوره اقيس وزني مره كل شهر و اتابع مع اخصائيه تغذيه كل اسبوعين كان الشهر الثاني حماس جدا التمرين وصار الكل بالنادي يعرفني و يحفزني و يتابعو معي كم نقصت شعور لا يوصف

خلاص خلاص جدا قربت استسلم وقلت اليوم ذاك ما بروح النادي و بنام نمت و ما رحت بس في نص النومه جاني نيل و صحاني غصب وشال البطانيه. بس ما قمت طبعا جاني جون بعدها و صحوني غصب و لبسوني غصب و رحنا بعد ما صار فلم و هواش جون كان يلعب كوره امريكيه و طبعا حجمه كبير ومرعب و ما قدرت اقول لا و على ما يقولون قضا اهون من قضا نيل كان جسمه غير طبيعي و كله مقسم و كان اذا دخل النادي الكل يطالع فيه الشهر الثالث نقلت سكنت مع نيل و قريب من جون و الجامعه و صار النادي اساسي معي واتوقع ممكن يسير للابد

انا و نيل ما نعرف نطبخ و متورطين وما نبغا اكل الكفتريا قررنا ننشب لجون يا يعلمنا و لا يطبخلنا والسبب ان جون يطبخ انه مسوي دايت دقيق جدا جدا عشان الدوري و ما كان يلخبط اول اسبوع علمنا جون اكلات جديده و لها نكهه بدل اكل الكفتريا و الاكل الي بالميكرويف و المسلوق الي كنا ناكله جون علمنا كثير عن السوبرماركت و كيف نعرف مكان الاكل الصحي و الغير صحي وكيف نختار الافضل من كل شي صرنا كل واحد يطبخ مره ، من الي تعلمناه و طورناه و صار موضوع الاكل و الدايت بالجيب

وحسينا ان النتايج قربت للكل بدا الكل يلاحظ اني نحفت و الملابس وسعت و اصحابي بدؤو يسالوني اذا مسوي دايت ولا مريض ولا صرت احب و لا ايش الي صار و وقت الناس لاحظت فرحت و بدات مرحله جديده . سميتها هل ممكن اسير زي الجسم هذا الي بالكتاب جسم الكاتب هو الجسم الي ابغاه فشريت نسخه من الكتاب و حطيتها بغرفتي عشان اشوفها يوميا عشان اشوف فيها نفسي مستقبلا اصبح روتيني اليومي اني اتفرج بالكتاب و اقوله يوم من الايام بسير زيك او احسن منك . راقبني وشوف بدت تتغير حياتي

وسار همي الاول اتثقف بالتمرين و التغذيه اكثر فاكثر عشان اوصل لهدفي بدأت اقراء كتاب ورا كتاب و اشوف مواقع بالنت و فديوات باليوتيوب و بدات اتسلح بالمعلومات عشان اخوض حربي مع الدهون بدأت اجاري نيل و جون بالاوزان و مده الكارديو وبدات احس بروعه الحياه جاني جون ونيل قالولي لازم اشتري ملابس لان الملابس سارت كبيييييره و لازم احلق و ازبط نفسي بدا جون و نيل يستهبلو ع الشباب الكسالا و يقولولهم عبدالله يقدر يسويها و انت ما تقدر عيب عليك كان نيل و جون يجننو فيرني طول الوقت و يقولو له عبدالله بيسير احسن منك و انحف بس كان يضحك ويقول مافي امل فيرني يقول انه دايم احسن مني و كان يستهبل علي و انا رايح النادي كل يوم و يقولي لا تتعب نفسك ما بتسير زي الصوره

تمرنت و تمرنت و تمرنت و بعد اربع شهور صار وزني ١٦٠ كغ و قرب يوم الملابس الجديده جاني نيل و جون و رحنا السوق سوا …. كانت اول مره اروح فيها السوق و ما اخيط ملابسي  وصلت السوق و حسيت بشعور غريب زي شعور باول يوم مدرسه ابتدائي للحظه فكرت اهرب لاني خايف من الوضع و خايف من المقاس دخلت اول محل و ما لقيا مقاسي و ثاني محل و ما لقيت مقاسي و ضاق صدري دخلنا المحل الثالث …. لقيت مقاسي لاول مره بالتاريخ اشتريت تيشيرتات و بنطلونات و حسيت اني طفل اعطوه لعبه النجاح و حسيت بسعاده غير طبيعيه اول بنطلون كان مقاس ٥٢ و التيشيرت مقاس XXXL

طلعنا انا ونيل و جون و زملائنا نحتفل بالانجاز و الملابس الجديده

كملنا اول ٨ اسابيع من البرنامج و جاء وقت اسبوع الاجازه و الراحه و وقتها الكل صار يعرفني بالنادي كنت اعد الساعات و الثواني ابغا اسبوع الاجازه يخلص و ارجع اتمرن لاني كنت متحمس جدا جدا للتغيرات الي بتسير  و جاء اول يوم بالتمرين بعد الاجازه و كنت متحمسا جدا جدا كان شعور حلو الكل يعرفك بالنادي و يساعدك بالتمارين و يعطيك نصايح بس بدا يسير عندي حلم و هدف جديد صار حلمي اني اسير احسن من نيل وجون

وبدا التمرين يصعب و يشتد و بديت احس ان الموضع حياه او موت صار التمرين ٥ ايام بالاسبوع و صار الوجبات منظمه و بدات اصير مدمن تمرين مع نيل و جون  بدا فيرني ينقهر مني و يقولي لا تسوي انك بتسير مثل نيل تراها مستحيله صار فيرني من اكثر الناس الي يحاولو تحطيمي و يقولي ترا عمرك ما تلبس ملابس طبيعيه و بتقعد بحجم كبير طول عمرك قالولي جون و نيل ما عليك من فيرني هو مقهور لانه ما قدر يسوي الي انت سويته …. وبعد كذا مرت الايام مرت الايام و جا يوم اجتمعت فيه انا و اصحابي و كان الكل يمدحني و يهنيني علي انجازي الا فيرني فيرني كثر الاستهبال لحد ما افقدني صوابي و قالي انت اصلا ما تعرف تسوي ولا عده ضغط و ضحك بطريقه وقحه من كثر القهر تحديته و قلتله اعطيني شهر و بسير اسوي ضغط اكثر منك وقتها الكل ضحك الا جون ونيل

و قبلت التحدي بيني وبين بقيه المجموعه جون قال اني مجنون و نيل قال لا تخاف نبدا تمرين و بنزبط كل شي و وقتها بدات فتره جديده سميتها مرحله الضغط رحت انام و كانت نومه غير مريحه لاني كنت مهموم و ما ادري ايش بسوي بالتحدي الي دخلت فيه صحاني نيل من النوم و قالي يله نبدا تمرين فصحيت و توجهنا للنادي

قالي نيل ان الضغط يعتمد علي عضله الصدر و عضله التراي و الاكتاف و لازم نقويهم عشان تقدر تسوي ضغط لازم صدرك يكون فيه قوه تشيل جسمك ولازم تتحمل الالم قالي نيل جرب تسوي ضغط فما قدرت و طحت فقال بصوت عالي اذا بتطيح اليوم فيرني بيضحك عليك فاحسلك تتعلم قبل يخلص الشهر قعدنا نجرب طول الصبح و طبعا بلا فايده و نيل معصب و حس نيل بالاحباط بعد الظهر جانا جون و قعد نيل يشكي و يقوله عبدالله مو قادر و رد عليه جون قال لا تخاف انا جهزت خطه و بنكسب التحدي جون قال نبدا اليوم نسوي ضغط علي الجدار باكبر عدات ممكن و استمرينا لحد ما قدرت احرك ايدي رحنا البيت و قالي جون كل يوم بنسوي اكثر و كل يوم بنقرب من الارض لحد ما نسوي ضغط بالوضعيه السليمه اليوم الثاني سوينا نفس التمرين بس بعدات اكثر بالاضافه الي شنطه مليانه رمل عشان تثقل الوزن استمرينا علي نفس النظام اسبوع بالاضافه الي اننا كنا نسوي تماريننا المعتاده بالنادي الاسبوع الثاني سرت اسوي ضغط علي كرسي و صار نيل يتابع معاي لان جون كان مشغول شويه في ذيك الايام في نص الاسبوع الثاني نيل خلاني اجرب اسوي ضغط لكن ما قدرت و قالي طيب بس خليك على وضعيه الضغط بايدك اكبر وقت ممكن الاسبوع الثالث سرت اسوي ضغط علي الدرج و بعدها اسوي وضعيه الضغط لاكبر وقت ممكن في نهايه الاسبوع الثالث سرت اقدر اسوي ضغط واحد بعدها اطيح نيل ساير يحفزني و جون صار يشجعني

و من الحماس كلمت اخوي عدنان بالسعوديه  قلتله سرت اسوي ضغط ما استوعب عدنان الكلام و سالني نحفت ولا انت تسوي ضغط لخيالك ؟؟؟ قلتله نحفت و ارسلتله صوره بالملابس الجديده بصراحه بديت احس بطعم الحياه اخوي يوم شاف الصوره ما صدق و فكر انها معدله فوتوشوب أو واحد يشبه لي باركلي عدنان بانجازي المتواضع و كان سعيدا جدا اني اخيرا قررت اخفف وزني بعد نص ساعه اتصل علي ابوي و عمتي و زملائي و الكل كان يبارك و يتمنى لي الخير و العافيه والصحه الدايمه سألني ابوي كيف نحفت قلت له دايت و حديد و مشي سريع قالي اجل لمي ترجع الرياض تشيلني زي ما شلتك وانت صغير بصراحه حسيت بفخر و رغبه علي اني اقدر اشيله و ارد له بعض الي سواه لي بطفولتي بعد ما كلمت الاهل و الناس الطيبه

رجعت لارض الواقع و بدات مهمه العشره ضغط الي باقي عليها اسبوع بدايه الاسبوع الرابع سرت اسوي ٨ ضغط و نيل وجون يحفزوني و التمرين من الصبح الى الليل بدون توقف مر الاسبوع الرابع و الاخير بسرعه البرق و جاء اليوم المنتطر…. حسيت اننا بفلم انا و جون ونيل نمشي بكل ثقه للمكان المرقوب اول ما وصلنا كان فيرني يضحك و يسال : تقد تسوي ضغط ولا بتنسحب و تخلي فلوسك بجيبك جاوبته بكل ثقه و فخر لا ما بنسحب لكن ابغى اصعب التحدي شويه رد فيرني باستهزاء قال ايش بتسوي ضغط اكثر مني مثلا و ضحك و قتها انا ابتسمت جاوبته بالضبط يا فيرني اسوي ضغط اكثر منك وقتها جون تفاجأ و نيل ابتسم و فيرني اصيب بصعقه و ارتبك
كل الي حاضرين ضحكوا بعدين قلتلهم بوضوح انا اتحدى فيرني بدا فيرني و سوا ١٠ ضغط وقام يضحك و قالي ورين الي عندك بدا الكل بصوت واحد ١١-١٢-١٣ …… ٢٠ وقتها وقف بكل فخر وقلت لفيرني يله وريني الي عندك جرب فيرني لكن المسكين وصل الي ١٣ و ما قدر يكمل وقتها نيل ضحك ضحكته القبيحه الي ترفع الضغط بكل وقاحه بوجه فيرني بعدها قال نيل  بنروح رحله لشيكاغو و بنغير جو ونفلها بدون تردد وافقت انا وجون و ركبنا السياره و مشينا رحنا الرحله لمده ٥ ايام و اشترينا ملابس جديده و رحنا كل مكان بشيكاغو و رجعنا للجامعه و نفسيتنا مفتوحه للتمرين رجعنا من الرحله و كنا بنفسيه رائع و مستعده للتمرين بقوه و اصرار

اول ما وصلنا وقفنا بالجامعه و مشينا على رجولنا للبيت و حسينا في شعور غريب اكثر من شخص جا وسلم علينا و باركولنا بالفوز وناس صارت تبغا تتمرن معانا و ناس تسأل و تاخذ نصايح تغدينا ورحنا النادي بالنادي كل النادي مبتسم لنا و الكل عرف الي صار و الكل صار يحفزني و يطلب مني الاستمرار وصلنا صاله الاثقال و لقينا فيرني يتمرن و قتها نيل ضحك ضحكته المشهوره وجون ابتسم و قال فيرني يحاول يصير عقيلي رقم ٢ رحت سلمت علي فيرني و قالي بكل وقاحه طبعا انت فزت بس عمرك ما بتسير انحف مني انا اكبر من اني انزل لفيرني فابتسمت و قلتله شد حيلك من ذاك اليوم وبطلت انافس اي احد و سرت انافس نفسي و احاول اكون افضل انسان اقدر اكون

استمريت بالتمرين بكل قواي و صار التمرين و الدايت جزء من حياتي و قبل نهايه البرنامج وصل وزني ١٥٠ كغ و انتهي البرنامج و كان وزني ١٤٥ كغ و عندي معلومات كثيره جدا جدا عن الدايت و التمرين بعد انهاء البرنامج سوينا جدول و كل واحد يصمم تمرين لمده اسبوعين و نمشي عليه و استمرت رحله التعلم

تعرضت لبعض الظروف القاسيه التي اضطررت من خلالها اني ارجع للسعوديه مره اخرى بصراحه انا ارتبكت و خفت و توقعت اني ما اكمل تمرين و ارجع لحياتي القديمه رجعت السعوديه و استقبلني عدنان و رجعنا البيت اكلنا كبسه و هنا بدات مرحله التدهور و عدم الاستقرار وقفت تمرين لمده شهر تقريبا و كنت من عزيمه لعزيمه لوليمه و كأن الكل يدمر حلمي و يرسله لارض النسيان قبل ما ارجع السعوديه كل واحد من زملائي اعطاني تيشيرت او بنطلون و تحدوني انه يسير مقاسي بيوم من الايام طلعت الملابس من الشنطه و علقتها بالدولاب بغرفتي و قلتلها بالبسك قريب فكرت و قلت لو باستسلم للعادات و التقاليد بدمر حلمي و برجع لنقطة الصفر و اصبح لازم يكون في حل !!!! بامريكا كان في نيل و جون للمسانده الان انا لوحدي قاعد امشي بطريق ما اعرف كيف ببداه لكن انا عارف هدفي

وكان في نقاط وتحديات ضروري تنعرف

  • التحدي الاول
    كان باختيار النادي المناسب
    .
  • التحدي الثاني
    كان الوقت كل شخص ملتزم بدوام و اهل و اصدقاء و مشاوير شخصيه فكان ضروري الشخص يدير وقته بحرص
    .
  • التحدي الثالث
    كان الاهل و الاصدقاء. كلهم يعزموك او يعطوك اكل او يطلبو منك مشاوير بوقت النادي
    .
  • التحدي الرابع
    كان الدايت.بصراحه مع انواع الاكل بالمائد العربيه و روعتها يصير الدايت صعب اذا تشوف هذا الاكل يوميا
    .
  • التحدي الخامس
    كان التكاليف. تكلفه الدايت و النادي مرتفعه نسبيا بالسعوديه و تحتاج تخطيط

بالرغم من وجود كل التحديات فالصبر و الاراده و الحلم و المثابره يوصلوك لاي هدف بعد تفكير اشتركت بنادي قريب من البيت و بدات رحله جديده و قست وزني و كان ١٣٥

استمريت بالنادي شهرين و غيرت النادي لان الجو العام ما اعجبني و ما كان في مدرب اشتركت بنادي جديد قريب من مقر عملي و استمريت فتره لكن الجو العام و المدربين ما يتيحو بالراحه غيرت نادي و كان النادي تتوفر فيه جميع النقاط المطلوبه و بدات اتمرن بانتظام يوم ورا يوم عرفت كل الي بالنادي و كانو يحفزوني و يتمنوا لي الخير

بخارج النادي كان في مشكله والتي هي عدم توفر جميع الاطعمه و المكملات الغذائيه التابعه للدايت و كان شيء محزن في يوم كنت اتمرن بس سويت التمرين غلط و ما كان في جون يصحح لي لكن احد المشتركين جا و ساعدني بالتمرين و صحح الحركه يوم ورا يوم اصبحت اتمرن معاه هو وصديقه بدون ما اعرف اسمهم لحد ما جا يوم وسالوني ايش اسمي قلت عبدالله و ردو قالو انا عبدالرحمن و الثاني ناصر

كان عبدالرحمن اساس القروب و كنا نجتمع و نتمرن سوا كل يوم و كل يوم نصبح احسن الي قبله ووصل وزني ١١٥ كغ

اتصلت على جون و نيل سكايبي اوريهم شكلي الجديد و سرت امزح معاهم و اقول بسير احسن منكم قريب و هم يحفزوني و يتحدوني تمرين يوم ورا يوم و النتايج تطلع و وصل وزني ١٠٣ كغ و صار مقاسي ٤٤ و سرت احصل مقاسي بكل مكان

بدؤا ناس يتمرنو معانا و يسألوا نصايح و سار النادي مكاني المفضل بالحياه لحد يوم من الايام جا شخص و كان غيران مني و من عبدالرحمن يقولنا انتو تتمرنو اقل مني بس تتطورو بسرعه قلناله تمرن معانا لكن رفض لكن بعد فتره اكتشفنا سبب عدم تطوره قلنا له انا و عبدالرحمن بدون دايت ما تحصل علي نتايج ضحك و قالي بسخريه ع الاقل اقدر اسوي متوازي كان السبب لعدم تطوره انه ما ياكل زين و ياكل حلويات و كان يغش بالدايت بصراحه انقهرت و قلت لعبدالرحمن علمني اسوي متوازي و بدائنا نتمرن للمتوازي لان كنت ابي اثبت لنفسي اني اقدر ميزه عبدالرحمن ان له فوق ١٥ سنه يتمرن فعده خبره بانواع التمرين وبدينا نتمرن عالمتوازي بدينا التمرين و في خلال اقل من اسبوعين قدرت اسوي متوازي وصرنا انا و عبدالرحمن نسوي متوازي بس عشان نضحك على انور وقف وزني عن النزول لمده ٦ شهور لكن الشكل و المقاسات كانو يتغيرو بسرعه  ثبت الوزن والشكل لكن استمريت في التمرين

يوم من الايام تعبت و تعرضت لاصابه و جاني التهاب بالاعصاب و قفت تمرين اسبوعين بعد الاسبوعين وقفت شهرين و للاسف زاد وزني الى حد ما وصلت ١١٩ كغ وبديت اكتئب وبدات اهمل الدايت و التمرين و كل شي و رجعت لحياه عبدالله العاديه  الي حد يوم ما وصلني رساله بالبريد الالكتروني من روز وحده من زميلاتي بالجامعه

تقول الرساله شكرا انت غيرت حياتي و بسببك حسيت مافي شي مستحيل و سرت اتمرن و نقص وزني وحابه اوريك الصور بعد ما شفت الصور بصراحه فرحت وحسيت بالحماس و حسيت بالأدرنالين يدفق في عروقي و قلت انا برجع للتمرين و الدايت رحت النادي و قابلت عبدالرحمن و كان زعلان مني لكنه بصدر رحب قالي خلاص نتمرن مع بعض تمرنت مع عبد الرحمن لفتره و تحمست ووصل وزني ٩٢ كغ و وقتها كنت فرحان جدا جدا جدا
كنت تقريبا انقص من ٢ الى ٤ كيلو بالشهر و كانت الحياه تحلو كل ما نقصت بعد فتره

سافر عبدالرحمن اجازه و بدات مرحله ضياع جديده كنت مسوي دايت مضبوط و بدأت اتحسن لكن التمرين كان يتهور لعدم الخبره الكافيه او ممكن لعدم معرفه حاجه الجسم من كثر المعلومات التي كانت براسي و التي حصلت عليها تهت و ما عرفت ايش اسوي جربت كل شي تمارين لياقه و سويدي و حديد و ملاكمه و جري و جربت تمارين تحمل و تمرنت بالبيت و النادي و الشارع كل ما اقول بستمر علي شي ما اكمل اسبوع الا مغير و تطورت مرحله عدم الاستقرار بدات اغير من نادي لنادي لنادي لحد ما جربت كل النوادي و كل اجهزتها تقريبا بدأت احتار من جديد لحد ما قررت اتمرن بالبيت

وبعد فتره بديت اقلل فترات التمرين و بدات احس بالطفش لحد ما وقفت التمرين لمده شهر يوم من الايام قالي ابوي متي بتشيلني ولا مو ناوي تشيلني زي ما كنت اشيلك و انت صغير كلمة ابوي كانت كلمه موجعه ذكرتني بوعدي له و ذكرتني بامريكا و نيل و التعب الي تعبته و ذكرتني بحلمي من جديد شعور لا يوصف شعور طلعت منه متحمس و زعلان غضبان و فرحان لكن تاكدت انه ان شالله بيكون محصلته جيد جاوبته والدي المقعد ان شاء لله ولا يهمك بشيلك عن قريب و طلعت من البيت ابي اشترك بنادي من الحماس اشتركت بنادي سنه و بدأت اتمرن لوحدي و قلت لنفسي انا الوحيد الي اقدر اساعد نفسي والكل مالهم تاثير تمرنت و تمرنت و يوم ورا يوم لكن بسبب الدايت السيئ ما كنت احصل النتايج المرجوه

جلست معي نفسي جلسه صراحه و بديت افكر قلت لنفسي لازم احدد هدف و لازم اتبع طريقه تمرين معينه ولازم الاقي مدرب جيد ولازم امسك دايت و لازم انضبط هدفي كان بناء عضلات و حرق دهون بعدها دلوني الناس علي نادي قالولي ان كل الي فيه ابطال و اكيد بستفيد منهم استشرت كم شخص بموضوع النادي لكن للاسف الكل انتقد هذا النادي و الكل خوفوني منه طلعو كل العيوب الي بالعالم بالنادي الا انسانه وحده هي الي قالت لي جرب  انا بداخلي كان شعور قوي اني قاعد اسوي شي صح و اخذت برايها و توكلت علي الله رحت اشتركت بالنادي و اول ما دخلت حسيت بشعور غريب شعور ممزوج بين الرهبه و الخوف تمرنت اول يوم و ثاني يوم و ما تكلمت مع احد

ثالث يوم كان احد المشتركين صديق لعبدالرحمن و انبسط بشوفتي و عرفني عالمدرب وقاله يا كابتن بالله اهتم بالشخص هذا هذا شخص مثابر رد عليه الكابتن و قاله لا تشيل هم يا سعد انا بضبطه
الكابتن ما كان من الشخصيات الي تتكلم كثير او يعطي نصايح كثير كان شخص هادي جداَ كان المدرب يقولي عالتمرين و يختفي كان المدرب صاحب شخصيه غريبه جدا و اصابني بالفضول و حبيت اعرفه اكثر فاكثر سالت عن المدرب و طلع سعودي و كان بطل كمال اجسام و طالب تربيه بدنيه كان المدرب يمرني و يمرن معاي ٣ اشخاص بنفس الوقت بصراحه كانت طريقته بالتمرين عجيبه جدا و كان فيها تعب و ارهاق لا يوصف ما كمل شهر الا و الشباب الي يتمرنوا معاي اختفوا ممكن بسبب الكرف وممكن المدرب و ممكن اسباب اخرى انا قررت في تلك اللحظه اني اواصل طريقي معاه للاخير

اول اسبوع عدى و قست وزني ثاني اسبوع للاسف كان ١٢٧ كغ وكنت معصب بسبب هذا الشي وقتها قلت للكابتن شوف لي حل قالي لا تخاف انت سوي التمارين الي اقولها و سوي الدايت الي اقولك عليه و يصير خير قلتله ان شاء لله ولا يهمك بعد اسبوع كنا نتكلم و اكتشفنا اننا من نفس المدينه و تقريبا اقارب الا شويه عاد مثل ما الكل يعرف نص اهل السعوديه اقارب و تقول كانهم راضعين من ام وحده مع صله القرابه و المعرفه اهتم فيني الكابتن اكثر ومع المجهود الي شافه مني حس اني مهتم فركز معاي صرت اتمرن بالليل بحكم دوامي و سرت اتمرن تقريبا ٣ ساعات يوميا ٦ ايام بالاسبوع مشينا علي دايت قوي و قاسي و تمرين متنوع و مشوق و عنيف و بدأت اتعلم منه كل يوم اشياء جديده و تعلمت اشيا كثيره عن كمال الاجسام و البطولات بحكم انه بطل

كانت طرق الكابتن بالتمرين غير اعتياديه وصعبه و كنت اطلع من النادي غير قادر ع الحركه لدرجه اني كنت انام بالسيارة وبدات الملابس تكبر بسرعه كبيره و بدات احس بشعور رائع من جديد عضلات مثل البطن و الجوانب كانت سهله لكن مع هذا الكابتن صارت تحدي صعب و متعب و مؤلم حسيته يبغا يقيس مدي تحملي و حسيت انه يبغا مصلحتي و حسيت انه يكرهني و تضاربت المشاعر قسنا وزن بعد شهر من بدايه البرنامج و كان وزني ١١٠ كغ وبصراحه انصدمت من سرعه التحول وقتها قلت خلاص هذا المدرب و لا بلاش و صار كلامه و نصايحه عباره عن قانون بالنسبه لي و انتهي بعدها الشهر الثاني و وصل وزني ٩٣ كغ انتهي الشهر الثالث و كان وزني ٨٣ كغ وبتغلبي علي معاه على اغلب المشاكل قررت ما اغير نادي مهما يصير او اني اروح اي نادي الكابتن يروحه

وصرت عايش بقانون سميته قانون الكابتن و قلت للكابتن بصراحه ما اعرف كيف اشكرك انت غيرت حياتي و حليت المشاكل التي كانت بالنسبه لي مستحيله و الشخص الثاني الجزيل بالشكر اخوي عدنان بصراحه ساعدني كثير من ناحيه التحفيز و الامور الماديه و كون عدنان مديري ساعدني اني اروح للنادي و كان يعطيني عليه مكافئات و كان جدا فخور فيني و اصبح عنده شعار جديد كان شعاره نحن نبني بيوت و مساجد و عقول و بني ادمين و يجاوب اذا احد ساله ايش بنيت يقول بنيت عبدالله بنى الباقي كان اخوي عيسي الشخص الثاني الي يدعمني لكن دعمه كان نفسي و توجيهي

كان عيسى يتكلم عن انجازاتي المتواضعه بفخر و كان يقولهم اخوي نقص ١٠٠ كغ و ان كان عبدالله يقدر الكل يقدر السبب الذي جعل عيسى يقول هذا الكلام اني في طفولتي رفضت تخفيف وزني رفض شديد لدرجه مره عيسي عرض علي عرض العرض كان ان كل كيلو انقصه كان يعطيني ١٠٠٠ ريال و ياريت العرض استمر كان صرت كاش بفضل الله ما خيبت ظنهم و ان شاء لله اتطور من احسن الى احسن كان ابوي و اخواني و عمتي و مدربي هم فريق العمل المسؤول عني نجاحي بعد الله طبعا و جاء رمضان و كنت بصراع مع الوقت لكن الحمد لله تغلبت عالمصاعب و تمرنت و استمريت و و ما وقفت لكن زاد وزني برمضان شوي لكن ليس بالشئ الكبير و استمريت بالتمرين و ان شاء الله بواصل لحد اوصل لهدفي

طبعا هذي قصتي مع محاربه الدهون اتمني ما تكون ثقيله عليكم و اتمني تكون فيها فايده للجميع

الي صار لي هذا فقط البدايه و انا هدفي و حلمي اكبر من كذا بكثير و انت كمان ومثل ما اقول دايم يقفل باب و ينفتح عشره و ينتهي طريق ويبدأ منه عشره

نهايه قصتي مع محاربه الدهون هي مجرد البدايه لقصتي مع الجسم المثالي ….

عبدالله عقيلي @Aqili_Aqili

118985 views

عن رحلة الرشاقة

مهتم بالرجيم والتغذية الصحية والتمارين البدنية ... لحياة أجمل

26 تعليقات

  1. محارب آخر في الحملة ضد الدهون

    ما شاء الله .. =)
    السلام عليكم والرحمة..
    جزاك الله خير أخوي عبدالله (وشكراً للناقل عبدالملك)
    قصتك هذه كانت ألهمتني وأثبتت لي إنعدام المستحيل .. أنا وزني زايد ٤٠ كيلو ولازم لي ٦ شهور عشان أشيله
    بدأت التدريب والدايت قبل شهر تقريباً .. ولله الحمد الآن نزلت ٤ كيلو في شهر واحد =)
    وإن شاء الله راح أستمر على التدريب والدايت إلى أن أخسر دهوني المتراكمة ..

    كل الشكر والتقدير .. أخوك / طلال =)

  2. احمد الوهيبي

    يالله كم هي معبرة هذه القصة.
    بكيت فيها قليلا ولكني فرحت كثيرا في النهاية.
    وانت أحد الاشخاص الذين اتخيلهم على شاشة سير الجري عندما اضعف او اتكاسل ولم تخذلني صورتك دائماً.
    زادك الله صحة ونشاطاً وجسماً متناسقاً.

  3. قصة ماثرة لكنها مفرحة في نفس الوقت شكرا على التحدي

  4. ماشاء الله .. شخصيتك تجسد الانسان الصبور صاحب العزيمه

    للأسف انا كل مره اتحمس واسجل بنادي واسبوع اسبوعي واسحب. .. لكن الحمدلله لي 3 أسابيع ولله الحمد اخذت قرار كافي سمنه وبأذن الله ومتوكل على الله سبحانه اني راح اخف .. وقصتك اكبر حافز لي راح تكون عالقه براسي للأبد

    وبالتوفيق يارب

  5. أنت بطل!
    وأنت كابتن !
    أهنيك على همتك العالية
    مدري إيش أقول لك بس قصتك بتغير فيني إشياء كثير

  6. شكرا لكم على كلامكم التحفيزي و انشاء الله بواصل و تابعوني بتويتر لعل و عسي افيدكم بشي او نتعلم من بعض شي

    عبدالله عقيلي

    @aqili_aqili

  7. مأشاءالله قصتكك جميله ۆ محفززززه ،، أنا بديت دايت ﻣنَ شهر ۆ نقصت 6 كيلو. .. بس م أقدر إروح نادي هنا مشكلتي ،، لذلك أحاول أمشي ﻋ جهاز السير قد ماقدر ،، وزني كان 113 ۆ الان 107 .. أتمنى أوصل لل60 .. شكراً ﻋ. القصه ،،

  8. ما شاء الله تبارك الله
    ولكن هنا سؤال
    هل حملت والدك كما كان يتمنى ؟
    اتوقع لو ما حققت الا هذا الامر كان نجاح باهر في هـ الحياة

  9. الف مبروك عليك الوزن الجديد
    الله يبارك لك ويبارك فيك ويحفظك ياربّ

    سؤالي : نزلت ١٠٠كيلو .. ماحصل ترهل جلد ؟ يعني كيف صار شكلك كذا جسم مشدود ؟
    الرياضة كافيه ليكون الجسم مشدود ممشوق حتى لو خسر كيلوات كبيره !!
    بصراحه انا ماعندي الا جهاز الإيروبتراك و المشي فقط .. وأفكر أنزل حوالي ٣٠ كيلو بالدايت وعليهم وخايفة من الشكل الجديد :”(

  10. عبدالله عقيلي

    الحمد لله شلت والدي و اشيله يوميا الان.

    الجلد و الترهل يبغالهم وقت و مدهود اين يروحو و ياخذو وقت .

    تابعوني ب keek علي حساب abdullahaqili90

    او تويتر على @aqili_aqili

    و لاي اسئلة انا مستعد للاجابه و اتمني و يسعدني تواصلكم

  11. انسان بطلللللل انت الحين شجعتني اككثر أنا كان وزني 93كيلو ووالحين 85كيلو ممليت وتركت النادي ولكن الححين آنت شججججعتننننننني أني ارجع اكممل بس ابي استفيد منك اكثر بطريقة الدايت. وابيك تعلمني.

  12. اي سوال و استفسار اتمني يكون بالت،يتد لسرعه التواصل

    عبدالله عقيلي

  13. وش كان الدايت اللي تستخدمة !؟

  14. ماشالله تبارك الله قصة جدا محفزة
    لكن خسارة تنفع فيلم

  15. اهنيييييك يا واد الخال
    انجاز عظيم لا يوصف .. ما كنت متوقع منك هذا الانجاز.
    فاكر لما كانو اهلك ضاغطين عليك بالدايت وتروح النادي وبعدها تروح بيتزاهت او اي مطعم وتطلب اكل وتاكل حتى الاشباع. من وراهم.

    @roozman911

  16. ابهرتني ماشاء الله..

    اسستمر وعقابلي يارب

  17. ما شاالله تبارك الله اللهم ارزقنا قوته وارادته

  18. ماشاء عليك استمر يابطل الدايت اخوك بندر

  19. اتمنى ربي يعطيني العزيمة الي عندك واخﻹ وزني

  20. كل الاحترام لك اخوي والله شجعتني اسوي ريجيم بعد ما فقدت الامل…

  21. ماشاء الله يا عبدالله
    هكذا هيه الاراده
    بارك الله فيك وان شاء الله توصل للوزن المطلوب والي تحلم فيه
    عندي تسال……
    اذا ممكن تعطينا الدايت الي سويته؟
    لان انا بوزن 126 كيلو
    ومشكور

  22. عاصم النيداني

    قصة من الواقع تحفز الكثيرين وتشجعهم … أشكركم جزيل الشكر واتمنى لكم التوفيق

  23. مشاء الله شخص مثابر ويرفع من المعنويات ….

  24. كل الاحترام الك….. بترفع الراس

اضف رد

إلى الأعلى